Sut gallaf fenthyg gan undeb credyd?
Mae undebau credyd yn bodoli yn unswydd er mwyn gwasanaethu eu haelodau. Mae hyn yn golygu y gall aelodau gael benthyciadau am gyfraddau rhesymol. Dim ond aelodau sy’n cael ymgeisio am fenthyciadau, ac fe anogir ymgeiswyr i barhau i gynilo hyd yn oed wrth iddyn nhw dalu benthyciad yn ôl. Mae hyn yn helpu nid yn unig i ychwanegu at gynilion yr aelod ei hun ond hefyd yn cyfrannu at gronfa gynilion yr undebau credyd sy’n eu galluogi nhw i roi mwy o fenthyciadau i ragor o aelodau o fewn y gymuned.
Manteision benthyg gan undeb credyd:
- Nid oes lleiafswm y mae’n rhaid i chi ei fenthyg ac mae taliadau’n cael eu trefnu mewn modd sy’n addas i’r unigolion.
Nid oes unrhyw gostau ychwanegol os ydych yn talu’r benthyciad yn ôl yn gynnar – yn wir mi fydd hynny’n arbed ychydig o log i chi.- Ni chodir unrhyw ffioedd trefnu.
- Mae yswiriant yn dod yn rhad ac am ddim gyda phob benthyciad. Os nad ydych yn byw am gyfnod llawn y benthyciad bydd y ddyled yn cael ei glirio’n awtomatig, gan ddibynnu ar rai amodau – cliciwch ar yswiriant diogelwch am fanylion pellach.
- Fe ystyrir pob cais am fenthyciad yn ôl ei gryfderau ei hun.
- Yn gyfreithiol 2% y mis ar y balans sy’n weddill yw’r gyfradd llog uchaf a godir. Mae hyn yn cyfateb i gyfradd llog blynyddol o 26.8%. Codir cyfraddau llog is ar fenthyciadau o £1,500 ac uwch.
- Wrth annog aelodau i gynilo tra’n talu’r benthyciad yn ôl, bydd gan yr aelod ragor o gynilion ar gael iddyn nhw erbyn i’r benthyciad gael ei glirio.
Dyfyniad o arolwg diweddar a wnaed gan Beaufort Research, Caerdydd:
"Dyna rydw i’n ei hoffi amdano. Maen nhw’n eich annog chi i gynilo wrth i chi dalu eich benthyciad yn ôl. Dydych chi ddim yn benthyg mwy a mwy ac yn mynd i ddyledion pellach, mae’n rhaid i chi gynilo hefyd!"
| Benthyciad | 52 x Taliad Wythnosol |
Yswiriant Diogelwch |
Cyfanswm i’w dalu |
Cost y Benthyciad |
£100 |
£2.17 |
Am ddim |
£112.69 |
£12.69 |
£300 |
£6.51 |
Am ddim |
£338.08 |
£38.08 |
£500 |
£10.84 |
Am ddim |
£563.53 |
£63.53 |
£1,000 |
£21.68 |
Am ddim |
£1,127.06 |
£127.06 |
£2,000 |
£40.86 |
Am ddim |
£2,124.70 |
£124.70 |
£5,000 |
£102.15 |
Am ddim |
£5,311.76 |
£311.76 |
Codir 2% y mis, APR nodweddiadol 26.8%, ar fenthyciadau bychain hyd at £1500
Codir 1% y mis, APR nodweddiadol 12.7%, ar fenthyciadau mwy, £1500 ac uwch
FAQ's
Mae ystyriaeth i’ch cais am fenthyciad yn seiliedig ar eich cymeriad a’ch gallu ariannol i dalu yn ôl. Os ydych eisoes yn aelod, bydd eich cynilion ac unrhyw hanes sydd gennych chi gyda benthyciadau blaenorol hefyd yn cael eu hystyried.
Mae modd gwneud benthyciadau ychwanegol ond bydd angen trafod hynny gyda swyddog o’r Undeb Credyd yn gyntaf.
Yr uchafswm y mae modd ei fenthyg ar hyn o bryd yw £7,500 yn fwy na gwerth eich cyfranddaliadau (cynilion). Mae llog o 2% neu 1% (yn dibynnu ar y swm a fenthycir) yn daladwy ar falans sy’n disgyn bob dydd a, gan nad oes unrhyw gostau cosb am dalu benthyciad yn ôl yn gynnar, nac unrhyw ffioedd trefnu, mae’r cyfan yn golygu bod gwasanaeth gwych ar gael i aelodau. Os byddech yn cymryd benthyciad gyda ni heddiw ac yn ei dalu’n ôl yn llawn yfory, dim ond gwerth un diwrnod o log fyddech chi’n ei dalu.
Nid oes angen i chi wneud benthyciad er mwyn bod yn aelod o Undeb Credyd Llandudno a’r Cylch.
Cam 1 – Casglwch ffurflen gais am fenthyciad o swyddfa’r Undeb Credyd neu unrhyw bwynt casglu. Fel arall, llwythwch ffurflen o’r wefan hon, cliciwch ar “Ffurflenni i’w Llwytho” a wedyn “Cais am Fenthyciad” o’r dewisiadau ar y chwith.
Cam 2 – Llenwch gymaint o’r ffurflen gais ag sy’n bosibl a wedyn ewch ag ef, gyda phrawf o’ch incwm, i’r swyddfa neu unrhyw bwynt casglu er mwyn ei drafod gyda swyddog o’r undeb credyd. Byddwn yn ateb unrhyw gwestiynau sydd gennych.
Cam 3 - Rhoir ystyriaeth i’ch cais am fenthyciad yn seiliedig ar eich cymeriad a’ch gallu ariannol i dalu yn ôl.
Cam 4 – Ystyrir eich cais gan aelodau’r Panel Benthyciadau a byddant yn gwneud penderfyniad. Fe ystyrir pob cais am fenthyciad ar ei gryfderau ei hun a bydd y rhesymau am wrthod unrhyw gais yn cael eu trafod yn gyfrinachol gyda’r aelod.