Cael benthyg arian gan undeb credyd

Unig bwrpas undebau credyd yw gwasanaethu eu haelodau. Mae hyn yn golygu y gall aelodau gael benthyg arian ar gyfraddau rhesymol. Dim ond aelodau sy’n cael gwneud cais am fenthyciadau a rhaid i ymgeiswyr ddangos eu bod wedi cynilo’n rheolaidd gyda’r undeb credyd, dros gyfnod o dri mis o leiaf fel arfer. Mae aelodau’n cael eu hannog i barhau i gynilo hyd yn oed wrth ad-dalu benthyciad. Mae hyn nid yn unig yn helpu i ychwanegu at eich cronfa bersonol ond mae’n cyfrannu hefyd at gronfa’r undeb credyd' gan ei alluogi i roi benthyciadau i fwy o bobl yn eich cymuned.

Buddiannau cael benthyg arian gan undeb credyd:

• Nid oes isafswm y gallwch gael ei fenthyg ac mae ad-daliadau’n cael eu teilwra i fod yn addas i’r unigolyn.
• Ni cheir taliadau ychwanegol hyd yn oed os ydych yn ad-dalu eich benthyciad yn gynnar.
• Ni chodir ffioedd trefnu.
• Ceir yswiriant am ddim gyda phob benthyciad. Os nad ydych yn byw drwy gyfnod y benthyciad caiff eich dyled ei thalu’n awtomatig.
• Ceir buddiannau yswiriant am ddim drwy fod yn aelod.
• Mae pob cais am fenthyciad yn cael ei asesu yn ei rinwedd ei hun.
• Yn ôl y gyfraith y gyfradd log uchaf yw 1% y mis a godir ar y gweddill sydd i’w dalu wrth iddo leihau. Mae hon yn gyfwerth â graddfa log flynyddol o 12.68%.

Cost cael benthyg arian

Mae’r grid isod yn dangos cost cael benthyciad dros gyfnod o flwyddyn.

Beth am gymharu hyn â chyfraddau benthycwyr eraill